Maharashtra Drought 2026 : पावसाने दडी मारल्यामुळे राज्यातील अनेक जिल्ह्यांमध्ये आता दुष्काळाचं सावट गडद होताना दिसतंय! पीक हाता तोंडाशी आली असताना पावसाचा मोठा खंड पडल्याने शेतकऱ्यांच्या चिंतेत वाढ झाली आहे. कापूस, सोयाबीन, मका, बाजरी यासह अनेक पिकांवर पावसाअभावी संकट ओढावलंय.
काही ठिकाणी पिकं सुकत आहेत…याच पार्श्वभूमीवर मुख्यमंत्री देवेंद्र फडणवीस यांनी दुष्काळी परिस्थितीचा प्राथमिक आढावा घेण्याचे निर्देश दिले आहेत. १९ सप्टेंबर रोजी नागपूरमध्ये पत्रकारांशी बोलताना मुख्यमंत्र्यांनी राज्यातील पावसाच्या स्थितीचा आढावा घेतला जात असल्याचं सांगितलं.
पंचनामे आणि प्राथमिक अहवालाकडे शेतकऱ्यांचे लक्ष ( Maharashtra Drought 2026 )
मंत्रिमंडळाच्या बैठकीत यावर चर्चा करून प्रत्येक मंत्र्याला आपल्या जिल्ह्यात प्राथमिक असेसमेंट करण्याचे निर्देश देण्यात आले आहेत.
म्हणजेच आता प्रत्येक जिल्ह्यात पावसाची स्थिती, पिकांचं नुकसान आणि शेतकऱ्यांवर झालेला परिणाम याचा प्राथमिक आढावा घेतला जाणार आहे. शेतकरी बांधवांनो, आता या प्राथमिक पाहणीनंतर सरकारकडून शेतकऱ्यांसाठी नेमकी काय मदत जाहीर होते, याकडे सर्वांचं लक्ष लागलं आहे.
हेही वाचा : ‘एकनाथ शिंदे मुख्यमंत्री व्हावेत’; आनंद परांजपेंचं वक्तव्य, ‘ऑपरेशन टायगर 3.0’वर सस्पेन्स कायम
