Girls Mallakhamb Jalgaon : जळगाव शहरातील शिवतीर्थ मैदानावर दहीहंडीच्या उत्साहाला मल्लखांबाच्या थरारक प्रात्यक्षिकांची रंगत मिळाली. युवाशक्ती फाउंडेशन आणि भवरलाल जैन अँड कांताई फाऊंडेशनच्या वतीने मुलींसाठी विशेष दहीहंडी कार्यक्रमाचे आयोजन करण्यात आले आहे. या कार्यक्रमात महाविद्यालयीन तरुणींनी आपल्या क्रीडा कौशल्याचे दमदार प्रदर्शन केले.
मल्लखांबावर तरुणींच्या चित्तथरारक कसरती ( Girls Mallakhamb Jalgaon )
कार्यक्रमादरम्यान एकलव्य फाउंडेशनच्या वतीने सहभागी झालेल्या तरुणींनी मल्लखांबाची विविध प्रात्यक्षिके सादर केली. मल्लखांबावर तोल सांभाळत अवघड कसरती आणि विविध हालचाली करत त्यांनी उपस्थितांचे लक्ष वेधून घेतले. मल्लखांबावरील तरुणींच्या धाडसी खेळाला शिवतीर्थ मैदानावर उपस्थित नागरिकांकडून उत्स्फूर्त प्रतिसाद मिळाला. त्यांच्या कौशल्याचे आणि आत्मविश्वासाचे उपस्थितांनी कौतुक केले.
दहीहंडीच्या उत्साहात मल्लखांबाच्या या सादरीकरणामुळे कार्यक्रमाचे आकर्षण आणखी वाढले. पारंपरिक दहीहंडीच्या उत्सवाला क्रीडा प्रात्यक्षिकाची जोड मिळाल्याने उपस्थितांना वेगळा अनुभव पाहायला मिळाला.
हेही वाचा : महामार्गावरील नाकाबंदीत मोठा पर्दाफाश; पारोळ्यात कॅटॅलिटिक कन्व्हर्टर चोरीचे रॅकेट उघडकीस
तरुणींमधील आत्मविश्वास आणि क्रीडा कौशल्याचा संदेश
मल्लखांबाच्या माध्यमातून तरुणींमधील शारीरिक क्षमता, संतुलन, धाडस आणि आत्मविश्वास अधोरेखित झाला. दहीहंडीच्या निमित्ताने मुलींना क्रीडा क्षेत्रातील कौशल्य दाखवण्यासाठी व्यासपीठ मिळाल्याचे या कार्यक्रमातून दिसून आले.
