Ladki Bahin August Installment : मुख्यमंत्री माझी लाडकी बहीण योजनेच्या लाभार्थी महिलांसाठी मोठी अपडेट समोर आली आहे. ऑगस्ट महिन्याचा ₹1,500 रुपयांचा हप्ता पात्र लाभार्थी महिलांच्या बँक खात्यात जमा होण्यास सुरुवात झाली आहे. त्यामुळे गेल्या काही दिवसांपासून हप्त्याची प्रतीक्षा करणाऱ्या महिलांना नवरात्रीपूर्वी दिलासा मिळाला आहे.
ऑगस्ट महिन्याच्या हप्त्यासाठी सामाजिक न्याय व विशेष सहाय्य विभागाकडून ₹339.14 कोटींचा निधी उपलब्ध करून देण्यात आला आहे. हा निधी पात्र लाभार्थ्यांना योजनेचा लाभ देण्यासाठी महिला व बालविकास विभागाकडे वितरित करण्यात आला आहे.
महिलांच्या खात्यात ₹1500 जमा ( Ladki Bahin Yojana )
मुख्यमंत्री माझी लाडकी बहीण योजनेअंतर्गत पात्र महिलांना दरमहा ₹1,500 आर्थिक मदत दिली जाते. ऑगस्ट महिन्याचा हप्ता रखडल्याने अनेक महिला या रकमेची वाट पाहत होत्या. आता हप्त्याचे वितरण सुरू झाल्याने पात्र महिलांच्या खात्यात पैसे जमा होऊ लागले आहेत.
हेही वाचा : जळगावच्या एसटी ताफ्यात 7 नव्या ‘राजमाता जिजाऊ’ बसेस; संख्या पोहोचली 70 वर
₹339 कोटींच्या निधीचे वितरण
ऑगस्टच्या हप्त्यासाठी सरकारने ₹339 कोटी 14 लाख रुपयांचा निधी मंजूर केला आहे. उपलब्ध माहितीनुसार हा निधी विशेषतः अनुसूचित जाती आणि नवबौद्ध प्रवर्गातील पात्र लाभार्थी महिलांसाठी वापरण्याचे निर्देश आहेत. लाभार्थ्यांची पात्रता तपासल्यानंतरच संबंधित महिलांना योजनेचा लाभ दिला जाणार आहे.
खात्यात पैसे आले का? असे तपासा ( Ladki Bahin August Installment )
हप्ता जमा झाल्यानंतर लाभार्थी महिलांनी आपल्या बँक खात्याचा बॅलन्स तपासावा. तसेच बँकेकडून आलेला SMS किंवा उपलब्ध असल्यास मोबाईल बँकिंग/बँक स्टेटमेंटमधून ₹1,500 जमा झाले आहेत का, हे पाहता येईल.
दरम्यान, लाडकी बहीण योजनेच्या नावाने बनावट लिंक आणि अर्जासंदर्भातील संदेश सोशल मीडियावर फिरत असल्याचेही समोर आले आहे. त्यामुळे कोणत्याही अनधिकृत लिंकवर वैयक्तिक किंवा बँकिंग माहिती देऊ नये, असे आवाहन करण्यात आले आहे. अधिकृत माहितीसाठी महाराष्ट्र शासनाच्या अधिकृत माध्यमांचाच वापर करावा.
सप्टेंबरच्या हप्त्याचं काय?
ऑगस्टचा हप्ता जमा होण्यास सुरुवात झाली असली तरी सप्टेंबर महिन्याच्या हप्त्याबाबत स्वतंत्र अपडेटची प्रतीक्षा आहे. त्यामुळे सप्टेंबरचा हप्ता आणि त्याची तारीख याबाबत अधिकृत घोषणा होईपर्यंत कोणतीही अनधिकृत माहिती किंवा व्हायरल मेसेजवर विश्वास ठेवू नये.
