LS खानदेश

आपला आवाज, आपलं खानदेश
  • Home
  • राजकारण
  • Jalgaon District Bank Election : जळगाव जिल्हा बँकेच्या १२ जागा बिनविरोध; ९ जागांसाठी ४१ उमेदवार मैदानात
जळगाव

Jalgaon District Bank Election : जळगाव जिल्हा बँकेच्या १२ जागा बिनविरोध; ९ जागांसाठी ४१ उमेदवार मैदानात

Jalgaon District Bank Election
  • जळगाव जिल्हा मध्यवर्ती सहकारी बँकेच्या निवडणुकीत २१ पैकी १२ जागांवर उमेदवारांची बिनविरोध निवड झाली आहे.
  • उर्वरित ९ जागांसाठी तब्बल ४१ उमेदवार निवडणूक रिंगणात उतरले आहेत.

  • मंत्री, आमदार आणि स्थानिक राजकीय नेत्यांच्या सहभागामुळे जिल्हा बँकेच्या निवडणुकीकडे राजकीय वर्तुळाचे लक्ष लागले आहे.

जितेंद्र कोतवाल

Jalgaon District Bank Election : जळगाव जिल्हा बँक निवडणुकीत २१ पैकी १२ जागा बिनविरोध झाल्या आहेत. उर्वरित ९ जागांसाठी ४१ उमेदवार निवडणूक रिंगणात आहेत.

 जळगाव जिल्हा मध्यवर्ती सहकारी बँकेच्या निवडणुकीत उमेदवारी अर्ज माघारीनंतर राजकीय चित्र स्पष्ट झाले आहे. जिल्हा बँकेच्या २१ जागांसाठी सुरू असलेल्या निवडणुकीत तब्बल २४१ उमेदवारांपैकी २०० उमेदवारांनी माघार घेतली आहे. त्यामुळे आता ४१ उमेदवार निवडणुकीच्या रिंगणात असून, २१ पैकी १२ जागा बिनविरोध झाल्या आहेत. उर्वरित नऊ जागांसाठी प्रत्यक्ष निवडणूक होणार असल्याने जिल्ह्यातील राजकीय हालचालींना वेग आला आहे.

या निवडणुकीत शिवसेना शिंदे गटाने सहा, भाजपने चार, तर राष्ट्रवादी काँग्रेस अजित पवार गटाने दोन जागा बिनविरोध मिळवल्या आहेत. त्यामुळे महायुतीतील तिन्ही पक्षांचे जिल्हा बँकेतील प्रतिनिधित्व निश्चित झाले आहे. मंत्री गिरीश महाजन, मंत्री गुलाबराव पाटील, आमदार चंद्रकांत सोनवणे आणि सुमित किशोर पाटील यांच्यासह प्रमुख नेत्यांचा बिनविरोध निवड झालेल्यांमध्ये समावेश आहे. (Jalgaon District Central Cooperative Bank Election)

मुक्ताईनगरमध्ये रक्षा खडसे विरुद्ध देवयानी देशमुख

या निवडणुकीतील सर्वाधिक लक्षवेधी लढतींपैकी एक म्हणजे मुक्ताईनगर मतदारसंघ. केंद्रीय राज्यमंत्री रक्षा खडसे यांच्याविरोधात शिवसेना शिंदे गटाच्या देवयानी देशमुख निवडणुकीच्या मैदानात आहेत. महायुतीतील दोन घटक पक्षांचे उमेदवार एकमेकांविरोधात उभे राहिल्याने या मतदारसंघातील लढत विशेष चर्चेत आली आहे. त्यामुळे या निवडणुकीत कोण बाजी मारणार, याकडे राजकीय वर्तुळाचे लक्ष लागले आहे. (
Raksha Khadase)

रावेरमध्ये तिरंगी, यावलमध्ये चुरशीची लढत

रावेर मतदारसंघात भाजपचे राजेंद्र चौधरी, राष्ट्रवादी काँग्रेस अजित पवार गटाचे रमेश नागराज पाटील आणि उद्धव ठाकरे गटाचे योगीराज गाभा पाटील यांच्यात तिरंगी लढत होणार आहे. तर यावल मतदारसंघात गणेश नेहते, विनोद पाटील, रामदास पाटील आणि प्रशांत चौधरी यांच्यासह उमेदवारांमध्ये सामना रंगणार आहे.

चाळीसगावमध्ये आमदार मंगेश चव्हाण मैदानात

चाळीसगाव मतदारसंघात आमदार मंगेश चव्हाण यांच्यासह विजय पाटील आणि नारायण पाटील निवडणुकीच्या रिंगणात आहेत. त्यामुळे या मतदारसंघातील लढतीकडेही जिल्ह्यातील राजकीय नेत्यांचे लक्ष लागले आहे. आमदार मंगेश चव्हाण यांच्यासाठी ही निवडणूक प्रतिष्ठेची मानली जात आहे.

हेही वाचा : जळगाव जिल्हा बँक निवडणुकीत नवा ट्विस्ट; सुप्रिया सुळेंचा गिरीश महाजनांना फोन, बिनविरोध निवडीसाठी हालचाली

महिला आणि ओबीसी राखीव जागांवरही चुरस

महिला राखीव मतदारसंघात माधुरी अत्तरदे, ज्योती पाटील, सुलोचना पाटील आणि पूनम पाटील यांच्यात लढत होणार आहे. तर ओबीसी राखीव मतदारसंघात सुनील देवरे, चंद्रकांत बाविस्कर, अनिल पाटील आणि कुलभूषण पाटील यांच्यात सामना रंगणार आहे. (Woman & OBC)

विशाल देवकर यांच्या लढतीकडेही लक्ष

इतर संस्था मतदारसंघात माजी मंत्री गुलाबराव देवकर यांचे पुत्र विशाल देवकर यांच्यासह विकास नारखेडे, प्रशांत चौधरी आणि खिलचंद इंगळे निवडणुकीच्या रिंगणात आहेत. तसेच विमुक्त जाती-भटक्या जमाती मतदारसंघात सुरेश धनके, काशिनाथ जवारे, विकास वाघ, मोरसिंग राठोड आणि अंबादास गोसावी यांच्यात लढत होणार आहे.

जिल्हा बँकेच्या सत्तेसाठी राजकीय प्रतिष्ठा पणाला

जळगाव जिल्हा मध्यवर्ती सहकारी बँकेच्या २१ जागांपैकी १२ जागा बिनविरोध झाल्याने नऊ जागांवरील निवडणूक अधिक महत्त्वाची ठरणार आहे. महायुतीतील पक्षांचे अंतर्गत राजकीय समीकरण, विरोधकांची ताकद आणि प्रमुख नेत्यांची प्रतिष्ठा या निवडणुकीत पणाला लागली आहे. त्यामुळे उर्वरित जागांवर कोण बाजी मारणार आणि जिल्हा बँकेतील राजकीय समीकरण कोणाच्या बाजूने झुकणार, याची उत्सुकता वाढली आहे. (Political Status)

1. जळगाव जिल्हा बँक निवडणुकीत एकूण किती जागा आहेत?

जळगाव जिल्हा मध्यवर्ती सहकारी बँकेच्या निवडणुकीत एकूण २१ जागा आहेत.

2. जळगाव जिल्हा बँकेच्या किती जागा बिनविरोध झाल्या?

या निवडणुकीत २१ पैकी १२ जागांवर उमेदवार बिनविरोध निवडून आले आहेत.

3. उर्वरित किती जागांसाठी निवडणूक होणार आहे?

उर्वरित ९ जागांसाठी निवडणूक प्रक्रिया पार पडणार आहे.

4. उर्वरित ९ जागांसाठी किती उमेदवार मैदानात आहेत?

उर्वरित ९ जागांसाठी एकूण ४१ उमेदवार निवडणूक रिंगणात आहेत.

5. जळगाव जिल्हा बँक निवडणुकीकडे सर्वांचे लक्ष का लागले आहे?

या निवडणुकीत विविध राजकीय पक्षांचे नेते, मंत्री आणि स्थानिक राजकीय पदाधिकारी सहभागी असल्याने जिल्ह्यातील राजकीय समीकरणांच्या दृष्टीने या निवडणुकीला महत्त्व प्राप्त झाले आहे.

हेही वाचा : Jalgaon Politics 2026 : जळगाव जिल्हा बँक निवडणुकीत मोठी घडामोड; गुलाबराव पाटील, सुमित पाटील, गिरीश महाजन यांचा मार्ग मोकळा!

Leave a Reply

Your email address will not be published. Required fields are marked *

Related Post